Bucks neitar að gefast upp gegn Bulls

Þrír leikir fóru fram í úrslitakeppni NBA-deildarinnar í nótt og þar mistókst Memphis og Chicago að tryggja sig áfram í næstu umferð.

Portland reif sig upp gegn Memphis og sýndi karakter með því að gefast ekki upp þó svo liðið væri 3-0 undir í einvígi liðanna.

Milwaukee spriklaði hraustlega gegn Chicago og hleypti því einvígi upp með sigri í Chicago.

Michael Carter-Williams skoraði 22 stig fyrir Milwaukee í leiknum og Khris Middleton var með 21. Pau Gasol skoraði 25 stig fyrir Bulls.

Næsti leikur er í Milwaukee og þar geta heimamenn þvingað fram oddaleik.

Úrslit (staðan í einvíginu):

Portland-Memphis  99-92 (1-3)

Brooklyn-Atlanta  120-115 (2-2)

Chicago-Milwaukee  88-94 (3-2)