George lenti illa þegar hann reyndi að stöðva hraðaupphlaup í leik milli leikmanna bandaríska landsliðsins í Las Vegas í gær, en liðið hefur dvalið þar í æfingabúðum að undanförnu.
Eftir nokkra reikistefnu kom í ljós að bein í hægri fæti George er brotið. Leik var hætt eftir að George hafði verið borinn af velli.
Leikmenn bandaríska liðsins voru margir hverjir í miklu áfalli eftir atvikið og leikstjórnandinn Kyrie Irving sást m.a. fella tár í örmum föður síns.
Nánari upplýsingar um meiðslin liggja ekki fyrir en ljóst er að George verður frá í nokkra mánuði vegna þeirra.
Thanks everybody for the love and support.. I'll be ok and be back better than ever!!! Love y'all!! #YoungTrece
— Paul George (@Paul_George24) August 2, 2014
