Vinirnir og liðsfélagarnir LeBron James, Dwyane Wade og Chris Bosh hittust í gær og ræddu framtíð sína en næstu skref þeirra á körfuboltaferlinum mun einnig ráða miklu um framtíð Miami Heat liðsins í NBA-deildinni í körfubolta. Miami Herald segir frá fundi stjórstjarna Miami Heat liðsins.
LeBron James hefur þegar sagt upp samningi sínum við Miami Heat (fórnaði 42 milljónum dollara - 4,78 milljörðum íslenskra króna) og er hann því laus allra mála en bæði Dwyane Wade og Chris Bosh geta fetað sömu slóð fyrir miðnætti á mánudaginn.
Miami Herald hefur heimildir fyrir þessum fundi kappanna en þeir snæddu saman á matsölustað á South Beach. James, Wade og Bosh hafa unnið tvo meistaratitla saman hjá Miami Heat og farið í lokaúrslitin öll fjögur tímabilin sín saman.
Bandarískir fjölmiðlar hafa rifjað það upp að árið 2006 hittust þessir þrír á öðrum fundi þar sem þeir ákváðu að skrifa allir undir þriggja ára framlengingu á samningi sínum til þess að þeir yrðu allir samningslausir á sama tíma. Á þeim tíma lék Bosh með Toronto Raptors og LeBron með Cleveland Cavaliers
ESPN segir frá því að LeBron James mun einnig vera í sambandi við vin sinn Carmelo Anthony sem er laus allra mála eins og hann. Melo sagði upp samningi sinum hjá New York Knicks.
LeBron James fundaði með Wade og Bosh í gær
Tengdar fréttir
LeBron nýtti sér uppsagnarákvæðið
LeBron James nýtti sér uppsagnarákvæði í samningi sínum við Miami Heat og er því laus allra mála samkvæmt heimildum ESPN. Hann hefur verið orðaður við Cleveland Cavaliers undanfarna mánuði.
Utan vallar: Hvað er LeBron James að spá?
Vísir fer yfir hvaða ástæður gætu legið að baki ákvörðun LeBron James um að nýta sér uppsagnarákvæði í samningi sínum við Miami Heat. Djúpt er kafað og skoðað hvort hann ætli sér jafnvel að vera áfram hjá Heat og sé að hjálpa liðinu að landa annarri stórstjörnu.
NBA-lið láta sig dreyma um að semja við bæði LeBron og Melo
Stærstu fréttir NBA-deildarinnar í körfubolta á síðustu dögum eru án vafa þær að stórstjörnurnar LeBron James og Carmelo Anthony nýttu báðir ákvæði í samningum sínum við lið sín Miami Heat (James) og New York Knicks (Anthony) og geta því samið við hvaða lið sem er í sumar.
ESPN-spekingarnir spá því allir að LeBron spili áfram með Miami
LeBron James er með lausan samning og getur því valið sér lið í NBA-deildinni. ESPN fékk fimm NBA-sérfræðinga til að velta fyrir sér framtíðarplönum þessarar stærstu stjörnu NBA-deildarinnar í dag.
Anthony laus allra mála
Carmelo Anthony verður stærsti bitinn á leikmannamarkaðnum í NBA-deildinni í sumar en hann losaði sig undan samningi í gær samkvæmt ESPN.
