Dramatíkinni í kringum Donald Sterling og LA Clippers er væntanlega lokið en það stefndi í dómsmál þar sem hann ætlaði sér ekki að selja félagið.
Í dag er greint frá því að hann muni setja það í hendur eiginkonu sinnar, Shelly, að selja félagið. Hann ætli sér ekki að berjast fyrir félaginu með kjafti og klóm.
Hinn áttræði Sterling var á dögunum dæmdur í lífstíðarbann frá NBA-deildinni og þá var strax ljóst að hann myndi missa félagið.
Shelly vildi reyndar sjálf eignast félagið en NBA-deildin og aðrir eigendur í deildinni hafa engan áhuga á því.
