Lakers og Knicks aftur á sigurbraut

Sex leikja taphrinu LA Lakers lauk í nótt er liðið vann sannfærandi sigur á Cleveland. Þetta var lengsta taphrina Lakers-liðsins í heil sex ár.

Það munaði talsvert um að Dwight Howard snéri aftur í liðið eftir meiðsli. Hann skilaði 22 stigum og 14 fráköstum í leiknum. Kobe Bryant skoraði 23 stig.

NY Knicks hefur líka verið í vandræðum og var búið að tapa þrem leikjum í röð fyrir leikinn gegn New Orleans í nótt. Carmelo Anthony skoraði 27 stig fyrir þá í nótt. Hann er búinn að skora yfir 20 stig í 24 leikjum í röð.

Úrslit:

NY Knicks-New Orleans 100-87

Toronto-Milwaukee 96-107

Brooklyn-Indiana 97-86

San Antonio-Minnesota 106-88

Denver-Golden State 116-105

Portland-Oklahoma 83-87

LA Lakers-Cleveland 113-93