Timberlake og eiginkona Manning kaupa í Grizzlies

Það er uppgangur hjá NBA-liði Memphis Grizzlies eftir að Robert J. Pera keypti félagið á 350 milljónir. Hann mun formlega taka við félaginu í þessum mánuði er NBA-deildin samþykkir söluna.

Pera hefur verið að safna liði í kringum sig sem hefur fengið að kaupa litínn hlut í félaginu.

Á meðal þeirra sem Pera hefur fengið í starfið eru söngvarinn Justin Timberlake, Penny Hardaway, fyrrum NBA-leikmaður, og Ashley Manning sem er eiginkona Peyton Manning sem er leikstjórnandi Denver Broncos í NFL-deildinni.

Timberlake er frá Memphis sem og Hardaway. Manning-hjónin voru þar líka og giftu sig í Memphis árið 2001.

Peyton segist styðja eiginkonu sína í þessu nýja verkefni en sjálfur ætlar hann ekkert að skipta sér af málum í Memphis. Hann segist hafa nóg á sinni könnu í Denver.