Milicic á leið til Boston

Serbinn Darko Milicic er á leið til Boston Celtics og mun væntanlega skrifa undir eins árs samning við félagið að því er ESPN segir.

Minnesota Timberwolves losaði sig við leikmanninn í sumar þar sem leikmaðurinn þótti á allt of háum launum miðað við framlag.

Boston tekur fagnandi á móti Serbanum stóra sem á sínum tíma var valinn annar í nýliðavali NBA-deildarinnar. Þá á eftir sjálfum LeBron James og á undan Carmelo Anthony, Dwayne Wade og Chris Bosh.

Milicic var aðeins með 4,6 stig, 3,3 fráköst og 0,9 varin skot að meðaltali í leik í fyrra.