Dirk Nowitzki rauf 22.000 stiga múrinn í New York

Ellefu leikir fóru fram í NBA deildinni í körfubolta í gær og þar bar 113-97 sigur Dallas gegn New York á útivelli hæst. Dirk Nowitzki skoraði 29 stig fyrir Dallas og Þjóðverjinn skoraði sitt 22.000 stig á ferlinum í leiknum og er hann í 24 leikmanna frá upphafi sem hafa náð þeim árangri. Jose Barea skoraði 22 stig og er þetta í sjötta sinn í röð þar sem Dallas vinnur í Madison Square Garden.

Amar'e Stoudemire skoraði 21 stig í fyrri hálfleik en hann ekki að skora í þeim síðari.

Atlanta - Toronto 100-87

Cleveland - Indiana 112-117

New Jersey - Philadelphia 92-106

Detroit - Charlottte 87-97

New York - Dallas 97-113

Minnesota - Memphis 84-102

Oklahoma - New Orleans 104-93

Denver - Portland 109-90

Phoenix - Milwaukee 92-77

Utah - Houston 96-97

LA Clippers - Chicago 88-106

Toronto tapaði 13. leiknum í röð í Atlanta þar sem Joe Johnson skoraði 37 stig fyrir Atlanta og það er met hjá honum á tímabilinu.

Cleveland tapaði 22. leiknum í röð og nú gegn Indiana. Cleveland liðið hefur tapað 32 af síðustu 33 leikjum og er Byron Scott þjálfari liðsins án efa í heitasta sætinu í deildinni.

Stigahæsti leikmaður deildarinnar, Kevin Durant, lagði 43 stig inn á reikninginn í 104-93 sigri liðsins gegn New Orleans. Durant tók 10 fráköst að auki.