Jackson mun ekki hlusta á afsakanir

Mark Jackson, nýráðinn þjálfari Golden State Warriors í NBA körfuboltanum, segist ekki ætla að nota skort á hávöxnum leikmönnum sem afsökun. Jackson segist myndu þiggja meiri hæð í liðið en þó væri vel hægt að ná árangri án afgerandi leikmanns í teignum.

„Við munum finna leið til þess að vinna leiki. Við munum ekki lýða neinar afsakanir."

Jackson segir leikmannahóp sinn hæfileikaríkan og að hann geti vel náð góðum árangri. Brendan Lee sé einn besti frákastari deildarninar. Þá séu bakverðir liðsins miklir íþróttamenn og muni hirða einhver sóknarfráköst.

„Leikmennirnir eru hæfileikaríkir og liðið getur vel komist í úrslitakeppninna og náð árangri þar."

Jackson starfar nú sem sérfræðingur í sjónvarpsútsendingum frá NBA deildinni. Hann hefur störf hjá Golden State að tímabilinu loknu.