Breska verslunarkeðjan Blooming Marvellous rambar nú á barmi gjaldþrots en keðjan er að stórum hluta í eigu Milestone í gegnum fjárfestignarsjóðinn Kcaj.
Blooming Marvellous selur vörur fyrir sængurkonur, nýbura og yngstu börnin og rekur 14 verslanir á Bretlandseyjum.
Samkvæmt frétt um málið í The Times er ráðgjafarfyrirtækið Zolfo Cooper komið að rekstri Blooming Marvellous en Zolfo sérhæfir sig í að endurreisa fyrirtæki sem eiga í rekstrarerfiðleikum.
Búið er að loka vefsíðu keðjunnar og einni af verslunum hennar. Auk þess liggur pöntunarþjónusta Blooming Marvellous nú niðri.
