Byrjunarliðin í stjörnuleiknum í NBA

Í nótt var tilkynnt hvaða leikmenn verða í byrjunarliðum Austur- og Vesturdeildarinnar í 57. stjörnuleiknum í NBA sem haldinn verður í New Orleans þann 17. febrúar.

Það var framherjinn Kevin Garnett hjá Boston Celtics sem fékk flest atkvæði allra í kosningunni að þessu sinni (2,399,148), en kosið var á heimasíðu nba.com og gátu allir sem vettlingi gátu valdið kosið hetjurnar sínar í leikinn.

LeBron James, sem fékk flest atkvæði allra í fyrra, fékk næst flest að þessu sinni (2,108,831). Kobe Bryant hjá LA Lakers fékk flest atkvæði allra leikmanna í Vesturdeildinni (2,004,940).

Kevin Garnett var þarna valinn í sinn 11. stjörnuleik á ferlinum, en aðeins Shaquille O´Neal hefur oftar verið valinn í stjörnuliðið á ferlinum - 14 sinnum. Hér fyrir neðan má sjá byrjunarliðin í stjörnuleiknum, en varamennirnir verða valdir af þjálfurum í deildinni um mánaðamótin.

(Staða, nafn, lið og stjörnuleikir á ferlinum)

Austurdeildin:

Framherji: Kevin Garnett - Boston, 11-

Framherji: LeBron James - Cleveland, 4-

Miðherji: Dwight Howard - Orlando, 2-

Bakvörður: Dwyane Wade - Miami, 4-

Bakvörður: Jason Kidd - New Jersey, 9-

Vesturdeildin:

Framherji: Tim Duncan - San Antonio, 10-

Framherji: Carmelo Anthony - Denver, 2-

Miðherji: Yao Ming - Houston, 6-

Bakvörður: Kobe Bryant - LA Lakers, 10-

Bakvörður: Allen Iverson - Denver, 9

Kevin Garnett fékk sjötta hæsta atkvæðafjölda sem gefinn hefur verið í sögu stjörnuleiksins í kosningunni núna. Hér fyrir neðan má sjá töflur yfir þá sem hafa hlotið flest atkvæði í kosningunni í sögu stjörnuleiksins og þar fyrir neðan má sjá töflu yfir 10 efstu menn í valinu nú.

Topp 10 listinn yfir flest atkvæði allra tíma í byrjunarlið:

(Nafn,lið, ár, atkvæði)

1. Yao Ming, Hou 2005 -2,558,278

2. LeBron James, Cle 2007 -2,516,049

3. Shaquille O'Neal, Mia 2005 -2,448,089

4. Yao Ming, Hou 2007 -2,451,718

5. Michael Jordan, Chi 1997 -2,451,136

6. Kevin Garnett, Bos 2007 -2,399,148

7. Yao Ming, Hou 2006 -2,342,738

8. Kobe Bryant, LAL 2006 -2,271,631

9. LeBron James, Cle 2006 -2,207,697

10. Shaquille O'Neal, Mia 2006 -2,192,542

Þessir fengu flest atkvæði í ár:



1. Kevin Garnett, Bos -2,399,148

2. LeBron James, Cle -2,108,831

3. Dwight Howard, Orl -2,066,991

4. Kobe Bryant, LAL -2,004,940

5. Carmelo Anthony, Den -1,723,701

6. Tim Duncan, SA -1,712,800

7. Yao Ming, Hou -1,709,180

8. Dwyane Wade, Mia -1,608,260

9. Dirk Nowitzki, Dal -1,259,025

10. Jason Kidd, NJ -1,246,386