Landsbankinn spáir 0,2 prósenta lægri verðbólgu

Greiningardeild Landsbankans spáir því að vísitala neysluverð hækki um 0,2 prósent á milli mánaða. Gangi spáin eftir lækkar verðbólga úr 7,0 prósentum í 6,8 prósent í þessum mánuði. Hagstofan birtir niðurstöður verðmælinga sinna í fyrramálið.

Greiningardeildin segir í Vegvísi sínum í dag að í verðmælingunni sé erfiðast sé að spá fyrir um breytingu á matvöruverði. Óvíst sé hversu hratt hækkanir hjá birgjum um áramótin láku út í smásöluverð í janúar ogþví megi búast við áframhaldandi hækkun á matvöru í febrúar. Í mars er svo búist við skarpri lækkun vegna skattalækkunar og gæti lækkunin haldið áfram í apríl, að mati  greiningardeildar Landsbankans.