Skeljungur sem skiptimynt

Þrálátur orðrómur hefur verið í gangi um væringar í forystu FL Group. Samkvæmt því sem best verður vitað er allt í sóma í forystu fyrirtækisins og samkomulag gott milli forstjóra og nýkjörins stjórnarformanns. Hins vegar munu Gnúpsmenn sem eiga fimmtungshlut gjarnan vilja koma hreyfingu á málin, enda mikið fé bundið í FL sem vinnur ekki annars staðar á meðan. Meðal þess sem gengið hefur er að Baugur muni kaupa af Gnúpi. Það mun ekki rétt, en hitt gæti átt meiri stoð að hlutur Gnúps sé til sölu. Þar gæti Skeljungur sem er í eigu Pálma Haraldssonar orðið skiptimynt, enda verið að söluskrá um tíma. Þar með væri Kristinn Björnsson, einn stærstu eigenda Gnúps aftur kominn til áhrifa í sínu gamla félagi. Allir ota sínum totaTilkoma alheimsnetsins hefur að mörgu leyti breytt og bætt starf blaðamannsins. Með nokkrum smellum getur nú blaðamaður, sem jafnvel er blautur á bak við eyrun, nálgast upplýsingar sem eitt sinn þurfti þrautþjálfa rannsóknablaðamenn til að grafa upp. En einn böggull fylgir þó skammrifi. Eða öllu heldur tveir. Almannatengslafulltrúar og oft á tíðum misvísandi fréttatilkynningar þeirra. Af fréttatilkynningu frá Actavis í fyrradag mátti skilja að félagið eitt hefði unnið til mikilla verðlauna fyrir fjárfestatengsl sín. Þar kom hins vegar hvergi fram að stoðtækjaframleiðandinn Össur deildi verðlaununum með Actavis. Þá vann Össur einnig til verðlauna fyrir besta stuðning æðstu stjórnenda við fjárfestatengsl.