Iceland Review sendir reglulega smáfréttir og pistla á ensku út á öldur netsins. Einn pistill þessa dagana er smá yfirferð á því helsta sem hefur verið að gerast í rólegri tíð hér norður á Fróni.
„John Cleese seems to be everywhere in the country. Not literally of course, but his face is plastered on huge billboards for KB Bank (excuse me, Kaupthing – another Icelandic bank has re-branded itself).“ er meðal þess sem er títt. Vandinn er bara sá að enginn í útlöndum þekkir fyrirbærið KB Bank. Kaupþing hefur frá upphafi heitið Kaupthing á erlendum mörkuðum og ef einhver kannast við KB skammstöfunina, þá eru það þeir örfáu útlendingar sem kunna að kannast við Kaupfélag Borgfirðinga.
