Dag­skráin í dag: Bónus-deild kvenna og um­ferðinni lýkur í Newcastle

Newcastle tekur á móti Everton á Sýn Sport klukkan 20 og má búast við hörkuslag enda skilur aðeins eitt stig liðin að í 12. og 14. sæti. Ljóst er að sigurliðið mun fljúga upp í 7. sæti.

Bónus-deild kvenna verður svo á fjórum rásum í kvöld og þar ber hæst viðureign Vals og Keflavíkur á Sýn Sport Ísland klukkan 19:15. Keflvíkingar hafa átt erfitt uppdráttar og tapað fjórum af fyrstu fimm leikjum sínum en Valskonur eru þegar komnar með þrjá sigra.

Stjarnan, sem byrjað hefur af miklum krafti, mætir Fjölni í fyrsta leik kvöldsins á Sýn Sport Ísland 4 klukkan 18:30. Ármann mætir svo Haukum á Sýn Sport Ísland 2 og KR mætir Tindastóli á Sýn Sport Ísland 3 og eru þeir leikir klukkan 19:15.

Upplýsingar um allar beinar útsendingar Sýnar má finna hér.