Höfðingjarnir á mikilli siglingu

Patrick Mahomes og félagar í Chiefs hafa blásið nýju lífi í liðið og nýr hlaupari liðsins, Kenneth Walker III, hefur komið með mikinn kraft inn í liðið. Sá var valinn besti leikmaður Super Bowl og hefur nú unnið fjórtán leiki í röð í deildinni.

San Francisco 49ers er einnig með fullt hús eftir fjóra leiki og það hefur liðinu tekist þrátt fyrir ótrúlegan fjölda meiðsla hjá liðinu. Liðið vann frábæran sigur á öflugu liði Denver Broncos í gær.

Buffalo Bills hefur flogið hátt í upphafi leiktíðar en liðið tók stóra dýfu niður á við er það tapaði á heimavelli gegn New England Patriots. Patriots hafði ekkert gert í upphafi leiktíðar og tapið því skellur fyrir Bills.

Ofurlið LA Rams lenti í kröppum dansi í rigningunni í Philadelphia en kom til baka á ögurstundu og tryggði sér sigurinn.

Slagurinn um Texas var einnig rosalegur. Kúrekarnir frá Dallas stálu sigrinum í lokin og sáu til þess að Houston hefur ekki enn unnið leik. Frammistaða Houston líklega vonbrigði tímabilsins til þessa.