Áttaði sig ekki á því að hafa unnið mótið

Zverev byrjaði leikinn frábærlega og vann fyrsta settið örugglega 6-3. Annað settið var jafnara en Zverev náði að vinna það í upphækkun 7-6.

Ben Shelton vann stórstjörnuna Carlos Alcaraz í 8-liða úrslitum og ætlaði ekki að tapa leiknum ráðalaus. Shelton náði að vinna þriðja settið 7-5 og virtist ætla að eiga möguleika á að snúa taflinu við.

Zverev var með yfirhöndina í fjórða settinu og var gríðarlega einbeittur. Hugurinn hans var einungis við næsta stig og eftir að hann skoraði sigurstigið áttaði hann sig ekki á því að hafa unnið leikinn. Hann var að gera sig tilbúinn í að taka á móti uppgjöf þegar mótherji hans var mættur að netinu að þakka honum fyrir leikinn.

Þetta var þriðji úrslitaleikurinn hans á risamóti í röð en hann tapaði fyrir Jannik Sinner í úrslitaleiknum á Wimbledon-risamótinu í sumar.

Tímabilið í ár er búið að vera ótrúlegt fyrir Zverev þar sem sérfræðingar voru byrjaðir að efast um að Zverev myndi nokkurn tímann ná að landa risatitli. Hann hefur heldur betur svarað gagnrýnisröddunum með því að vinna tvo risatitla á einu ári.