Stór­brotin Ída Marín með þrennu í sigri Hammar­by

Ída Marín var í byrjunarliði Hammarby á meðan að Guðrún Arnardóttir var á meðal varamanna hjá liðinu.

Ída kom Hammarby á bragðið í leiknum með fyrsta markinu á 20. mínútu. Hún var síðan aftur á ferðinni á 42. mínútu er hún kom liði sínu í stöðuna 3-0 og reyndust það hálfleikstölur.

Strax á annarri mínútu seinni hálfleiks fullkomnaði Ída Marín þrennu sína. Frábær leikur hjá henni en Hammarby bætti við einu marki til viðbótar fyrir leikslok og urðu lokatölurnar 5-0 sigur Hammarby sem heldur áfram í næstu umferð sænska bikarsins. 

Fyrr í kvöld vann Íslendingalið Hacken 2-0 sigur í nágrannaslag gegn Gautaborg. Thelma Karen Pálmadóttir var á sínum stað í byrjunarliði Hacken sem er komið áfram í næstu umferð bikarsins.