Aníta Ýr slær í gegn í Yale há­skólanum

Aníta er á fjórða ári sínu í Yale en hún hefur verið að spila hér heima með Stjörnunni þegar frí hefur gefist frá háskólaboltanum. 

Í færslu á samfélagsmiðlinum Instagram varpar Yale háskólinn ljósi á þá frábæru tölfræði að í þeim fimm leikjum sem Aníta hefur spilað með Yale á þessu skólaári hefur hún annað hvort lagt upp mark eða skorað mark í öllum leikjum. 

Alls hefur Aníta lagt upp þrjú mörk og skorað tvö í leikjum sínum fimm með Yale á skólaárinu. 

Eitt markanna var af dýrari gerðinni en það skoraði Aníta á sunnudaginn síðastliðinn gegn New Hampshire og má sjá í færslunni hér fyrir neðan.