Hafði af­skipti af ellefu ára stúlku í mið­bænum eftir mið­nætti

Þetta kemur fram í dagbókarfærslu lögreglunnar á höfuðborgarsvæðinu þar sem segir jafnframt að lögregla hafi haft afskipti af tveimur stúlkum, fimmtán og ellefu ára sem voru í miðbæ Reykjavíkur eftir miðnætti. Voru þær fluttar á lögreglustöð og foreldrar kallaðir til.

Ökumaður vörubifreiðar með krana gleymdi að setja kranann niður og með þeim afleiðingum að kraninn lenti á göngubrú sem ökumaður bílsins ók undir. Talsverðar skemmdir urðu bæði á krananum og brúnni.

Þá voru nokkrir handteknir vegna líkamsárása og var einn handtekinn sem eftirlýstur hefur verið vegna fjölda brota. Var hann vistaður í fangageymslu lögreglu.