Meistaraliðið selt fyrir metverð

Þetta er hæsta upphæð sem hefur verið greidd fyrir félag í NFL deildinni en fyrra metið hefur staðið síðan 2023, þegar Washinton Commanders voru seldir fyrir 6,05 milljarða dollara.

Upphæðin nær samt ekki að toppa söluna á Los Angeles Lakers á síðasta ári fyrir slétta tíu milljarða dollara, sem er hæsta verð sem fengist hefur fyrir bandarískt íþróttalið. Lakers eru líka aftur í söluferli, núna fyrir 12,5 milljarða dollara.

„Við njótum mikils heiðurs, að fá traustið til að taka við liði Seattle Seahawks. Hversu oft fær maður tækifæri til að kaupa lið sem var að vinna Ofurskálina?“ sagði Vinod Khosla á blaðamannafundi í gærkvöld.

Khosla hefur hingað til átt minnihluta í NFL liði en mun nú þurfa að láta sleppa taki ef hluta sínum í liði San Francisco 49ers. Hann er 71 árs gamall og metinn á 13,2 milljarða af Forbes. Khosla komst til fjár við sölu á tæknifyrirtækinu Sun Microsystems sem hann stofnaði.

Fyrrum eigendur félagsins, Paul G. Allen og fjölskylda hans, eignuðust Seahawks árið 1997 og komu í veg fyrir að liðið flyttist frá Seattle. Systir Paul, Jody Allen, var stjórnarformaður bæði Seattle Seahawks og NBA liðsins Portland Trail Blazers, eftir andlát hans árið 2018.