Viðskipti innlent

Gistinóttum á hótelum fækkaði milli ára

Sigurgeir Þorkelsson skrifar
Það getur stundum verið erfitt að átta sig á því hvað það er sem fangar augu erlendra ferðamanna. Myndin er úr safni.
Það getur stundum verið erfitt að átta sig á því hvað það er sem fangar augu erlendra ferðamanna. Myndin er úr safni. Vísir/Vilhelm

Gistinóttum á hótelum í júnímánuði fækkaði milli ára, eða um 0,4 prósent, samkvæmt bráðabirgðatölum Hagstofu Íslands. Gistinæturnar voru rúmlega 532 þúsund á landsvísu en voru í fyrra 535 þúsund. Mikil umræða hefur verið síðustu mánuði um óvissu í efnahagsmálum og hvort Ísland sé orðið of dýrt fyrir ferðamenn.

Líkt og áður dreifast gistinæturnar ekki jafnt um landið en á Suðurlandi fjölgaði þeim um tæplega fimmtán þúsund milli ára, eða um ellefu prósent. Gistinóttum fækkaði um álíka fjölda, eða rúmlega sextán þúsund, á höfuðborgarsvæðinu. Jafngildir það 6,5 prósenta samdrætti milli ára.

Hlutfallsleg lækkun var mest á Suðurnesjum, eða tæplega átta prósent. Aukning varð á Norðurlandi upp á tæp sex prósent en lítil breyting varð á öðrum landshlutum.

Fjöldi hótelherbergja á landinu jókst um 3,3 prósent milli ára. Aukningin er hlutfallslega langmest á Suðurlandi, eða um 13,3 prósent.

Þegar fyrstu sex mánuðir ársins eru teknir saman er fjöldi gistinátta á hótelum lítið breyttur miðað við fyrri helming árs 2025. Aukning milli ára er aðeins 0,4 prósent.

Erlendir ferðamenn eiga 91 prósent af gistinóttum á hótelum hérlendis. Bandaríkjamenn eru þar fyrirferðarmestir en þeim fækkar þó milli ára um 8,5 prósent. Bretum og Þjóðverjum fækkar einnig en mikil fjölgun er á gistinóttum Kínverja, eða um 31 prósent.

Ferðaþjónusta Efnahagsmál

Tengdar fréttir

Tækifæri fylgi flugi frá Kína en einnig hættur

Framkvæmdastjóri Samtaka ferðaþjónustunnar segir fyrirhugaðar flugferðir Air China frá Kína til Íslands breyta miklu. Mögulegt sé að fjöldi kínverskra ferðamanna gæti tvöfaldast á tiltölulega stuttum tíma en þeir mynda nú þegar einn stærsta ferðahópinn hérlendis á vissum árstíma. Á sama tíma muni fjölguninni mögulega fylgja áskoranir, til að mynda í tengslum við fyrirtæki sem fari á svig við íslenskar venjur og regluverk.



Mest lesið


Fleiri fréttir

Sjá meira


×

Mest lesið