KR sækir sænskan lands­liðs­mann

KR hefur sótt sér liðsauka í sænska landsliðsmanninum í körfubolta, Adam Ramstedt en hann hefur spilað 50 landsleiki fyrir Svíþjóð. Hann hefur áður spilað á Íslandi en tímabilið 2024-2025 lék hann með Val og varð bikarmeistari.

Stærstan hluta ferilsins hefur Ramstedt spilað í Svíþjóð og hefur sex sinnum orðið sænskur meistari. Hann var valinn körfuboltamaður ársins í Svíþjóð árið 2024 ásamt því að hafa tvisvar verið valinn varnarmaður ársins í sænsku deildinni.

Á síðasta tímabili lék hann í þýsku B-deildinni með BG Gottingen og skoraði þar 208 stig á tímabilinu eða að meðaltali 6,9 stig í leik. Hann var einnig með 129 fráköst eða 4,3 að meðaltali í leik.

KR er því að fá sigurvegara í liðið sitt og mikinn reynslubolta. Hann er stór, 210 sm að hæð, en samt hreyfanlegur miðherji sem er aðeins 31 árs gamall.