Kalla inn fæðu­bótar­efni

Ástæða innköllunarinnar er að varan inniheldur NMN (nikótínamíð-mónónúkleótíð). Það telst óleyfilegt nýfæði en það er samkvæmt matvælastofnun samheiti yfir matvæli sem ekki voru hefðbundin neysluvara í ríkjum Evrópusambandsins fyrir 15. maí 1997 og eru önnur dæmi um nýjar tegundir matvæla chiafræ og olía framleidd úr örþörungum.

Kemur þetta fram í tilkynningu en þar er einnig greint frá því að efnið hafi ekki verið heimilað til notkunar í matvælum eða fæðubótarefnum. Innköllunin tekur til vöru með lotunúmer #2025-26403 sem er framleitt í bandaríkjunum en flutt inn af Mamma veit best ehf. og einungis seld hjá þeim.

„Viðskiptavinir sem hafa keypt vöruna eru beðnir um að hætta notkun hennar og skila henni til Mamma veit best gegn endurgreiðslu. Ekki er nauðsynlegt að framvísa kvittun,“ segir í tilkynningunni.