Eltur og hand­tekinn í tengslum við inn­brot í apó­tek

Gerandinn gerði tilraun til að komast undan á bifreið en lögregla veitti honum eftirför.

„Ók aðilinn hættulega eftir akbrautum og göngustígum en stöðvaði síðan för á göngustíg í Fossvogi. Reyndi hann þá að komast undan á fæti en var hann stöðvaður og handtekinn eftir stuttan spöl,“ segir í yfirliti lögreglu yfir verkefni næturinnar.

Var viðkomandi vistaður í fangageymslu.

Leiða má líkur að því að apótekið sem um ræðir sé Efstaleitis Apótek en greint var frá innbroti á Facebook síðu apóteksins í gærkvöldi og óskað eftir aðstoð almennings.