Birta hjart­næma mynd af Martin eftir af­rekið mikla

Alba Berlin tryggði sér meistaratitilinn í hreint út sagt mögnuðum endurkomusigri í oddaleik úrslitaeinvígisins gegn Bayern Munchen.

Martin var sem fyrr drjúgur fyrir liðið. Martin endaði með langflestar stoðsendingar á vellinum eða átta talsins, skoraði sjö stig og tók tvö fráköst.

Þetta er í annað sinn sem Martin verður Þýskalandsmeistari því hann fagnaði titlinum einnig með Alba árið 2020, áður en hann gekk í raðir Valencia á Spáni. Martin sneri aftur til Alba fyrir tveimur og hálfu ári og hefur verið lykilmaður þar síðan, líkt og áður.

Martin spilaði frábærlega í úrslitakeppni þýsku deildarinnar og var meðal annars valinn í úrvalslið undanúrslitanna.

Þessi meistaratitill er það sem hann hefur stefnt á frá því að hann gekk aftur í raðir Alba Berlin og á mynd sem Alba Berlin birti í gærkvöldi má sjá Íslendinginn öfluga taka sér smá stund með sjálfum sér og bikarnum í lest á leið heim til Berlínar með liðinu. Eins og hann væri að átta sig á og meðtaka afrekið.