Her­maðurinn Haukur í Stólana

Haukur gekk til liðs við Þór Þorlákshöfn á miðju síðasta tímabili en hann hafði verið í herskóla í Bandaríkjunum, New Mexico Military Institute, undanfarin misseri. Haukur lék sex leiki með Þór í deildinni og var með þrjú stig að meðaltali í leik.

„Við erum mjög glaðir að fá Hauk til liðs við okkur. Þetta er landsbyggðarstrákur sem er harðduglegur og tilbúinn að leggja mikið á sig. Við hlökkum mikið til að fá hann í fjörðinn,“ segir Arnar Guðjónsson þjálfari liðsins um liðsstyrkinn.

„Ég er ótrúlega spenntur fyrir því að koma norður, við ætlum okkur mikið og förum fulla ferð,” segir Haukur sjálfur. Tindastóll fór alla leið í úrslitaeinvígið síðastliðið vor en tapaði því einvígi 3-1 gegn Grindvíkingum.