Körfubolti

Tár­vot sigur­stund bræðranna frá Grinda­vík

Aron Guðmundsson skrifar
Bræðurnir Ólafur og Jóhann Þór fallast í faðma í leikslok. Íslandsmeistaratitill í höfn
Bræðurnir Ólafur og Jóhann Þór fallast í faðma í leikslok. Íslandsmeistaratitill í höfn Vísir

Hún var tárvot sigurstundin hjá bræðrunum Jóhanni Þór Ólafssyni og Ólafi Ólafssyni í leikslok í kvöld þegar að Grindavík tryggði sér sinn fjórða Íslandsmeistaratitil í sögunni með sigri gegn Tindastól í Síkinu. Bræðurnir sem lifa fyrir Grindavík og hafa mátt þola margt að uppskera árangur erfiðisins.

Klippa: Grindavík fagnar Íslandsmeistaratitli

Grinda­vík er Ís­lands­meistari karla í körfu­bolta í fjórða sinn í sögunni eftir sigur í Síkinu í kvöld gegn heima­mönnum í liði Tindastóls. Lokatölur 101-109. Grinda­vík hafði betur í úr­slita­ein­víginu 3-1. Fyrsti Ís­lands­meistara­titill liðsins síðan árið 2013.

„Ég veit ekki hvernig við náðum þessu í gegn. Það vantaði besta mann deildarinnar, Óla bróður sem er búinn að leiða þetta lið í öll þessi ár. Við vorum miklu betri allan tímann. Pargo náttúrulega með sturlaðan leik. Þetta var bara geggjað.“

Eftir jarðhræringar í Grindavík, fráfall föður síns og veikindi í fjölskyldu Jóhanns Þórs stóðu bræðurnir uppi sem sigurvegarar í kvöld ásamt Grindavík í heild sinni. 

„Lífið er bara alls konar. Maður fær alls konar verkefni í hendurnar. Fólkið mitt, allir einhvern veginn. Kveðja á Sif, eiginkonu mína, hún er heima. Ég elska hana.“

Klippa: Þjálfari Íslandsmeistaranna eftir leik
Bónus-deild karla Grindavík

Mest lesið


Fleiri fréttir

Sjá meira


×

Mest lesið