Af hverju er Hlynur Bærings ekki kominn í búning?

Það eru tveir oddaleikir í undanúrslitum Bónus deildar karla. Það verður byrjað á Sauðárkróki þar sem Stólarnir taka á móti Stjörnunni. Svo klukkan 20.15 er komið að leik Grindavíkur og Vals.

Stjarnan saknar þriggja lykilmanna og sá fjórði er búinn að vera veikur. Þarna var dauðafæri fyrir Hlyn Bærings að hoppa inn og jafnvel næla í atkvæði í leiðinni en hann er í framboði í Garðabæ.

Á sama tíma fer fram seinni undanúrslitaleikur Bayern og PSG í Meistaradeildinni. Fyrri leikurinn fór 5-4 og er búist við álíka flugeldasýningu í kvöld.

Það eru fjórir leikir í Bestu deild kvenna sömuleiðis. Áhugaverðasta rimman er á milli Víkings og Breiðabliks.

Svo er Valur kominn með aðra hönd á Íslandsbikarinn í Olís deild kvenna en umgjörðin í Eyjum í gær var vanvirðing við stelpurnar.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.