Inn­brot í kirkju og slags­mál í strætis­vagni

Þetta kemur fram í tilkynningu frá lögreglunni á höfuðborgarsvæðinu. Ökumaður var stöðvaður í Hafnarfirði þar sem hann er sagður hafa ekið bifreið sinni á 212 kílómetra hraða þar sem hámarkshraði er 80 kílómetrar á klukkustund eftir að hafa reynt að komast undan lögreglu. Var ökumaðurinn færður á lögreglustöð þar sem hann var sviptur ökuréttindum.

Þá var einstaklingur handtekinn í Múlunum „vegna sölu læknadóps og vopnalagabrots,“ að sögn lögreglu. Einnig er greint frá umferðaróhappi í Kópavogi þar sem ökumaður er sagður hafa ekið bifreið sinni upp á hringtorg. Sá hafi verið undir áhrifum áfengis og því handtekinn.

Lögregla hafði einnig aðkomu að óhappi á Tungubakkaflugvelli í Mosfellsbæ þar sem flugvél hvolfdi í lendingu, líkt og Vísir greindi frá í gærkvöldi. Einn var í vélinni og slasaðist ekki.

Tveir gistu fangaklefa lögreglunnar á höfuðborgarsvæðinu í morgun.