Ein­vígi aldarinnar endur­tekið

Um er að ræða endurvakningu á viðburðinum Einvígi Aldarinnar sem var haldinn fyrir tveimur árum síðan þegar Hörður Magnússon, fjölmiðlamaður og fyrrverandi knattspyrnumaður, og Heimir Guðjónsson, knattspyrnuþjálfari, mættust.

Sjá einnig: Chess After Dark-strákarnir boða til einvígis aldarinnar

Keppnin þykir einkar jöfn enda Andri og Leifur taldir álíka sterkir keppinautar, með í kringum 1.700 Eló-stig hvor, og munu þeir tefla tíu hraðskákir. 

Einvígið hefst klukkan 20:00 og fer fram á rafíþróttamiðstöðinni Arena í Kópavogi en einnig verður að fylgjast með einvíginu í streymi í beinni útsendingu á Vísi og twitch.tv/chessafterdark.

Í streyminu verða töluvert sterkari skákmenn að lýsa einvíginu. Þar munu alþjóðlegi skákmeistarinn Björn Þorfinnsson og Fide-meistarinn Ingvar Þór Jóhannesson lýsa skákunum auk þess sem von er á leynigesti sem er stórmeistari.