Innlent

Ekið á skólarútu

Rafn Ágúst Ragnarsson skrifar
Skólarútan varð ekki fyrir miklu sjáanlegu tjóni en annað er að segja um hinn bílinn.
Skólarútan varð ekki fyrir miklu sjáanlegu tjóni en annað er að segja um hinn bílinn. Aðsend

Eitthvað var um meiðsli að sögn lögreglu eftir að ekið var á skólarútu í umdæmi lögreglustöðvar tvö sem sinnir verkefnum í Hafnarfirði og Garðabæ.

Fram kemur í dagbók Lögreglunnar á höfuðborgarsvæðinu að enginn hafi slasast alvarlega. Ekki er tekið fram hvort skólabörn hafi verið um borð þegar slysið varð.

Ekið hefur verið aftan á rútuna af myndum af vettvangi að dæma.Aðsend

Það sem af er degi eru 97 mál skráð í kerfi lögreglu en oft þurfti að hafa afskipti af ökumönnum. Maður var handtekinn í vesturborginni vegna líkamsárásar og var hann vistaður í fangaklefa vegna vímuástands.

Veistu meira um málið eða áttu myndefni? Þú getur sent okkur fréttaskot hér eða sent okkur línu á ritstjorn@visir.is. Fullum trúnaði er heitið.

Lögreglumál Hafnarfjörður Garðabær

Mest lesið


Fleiri fréttir

Sjá meira


×

Mest lesið