Laufey „splittaði G-inu“ á tónleikum í Dublin

Lovísa Arnardóttir skrifar 7. mars 2026 13:38

Laufey fékk sér sopa og hélt svo tónleikunum áfram. Instagram

Söngkonan Laufey Lín heldur áfram að skemmta aðdáendum um allan heim á heimsferðalagi sínu. Laufey var nýlega í Dublin á Írlandi þar sem hún „klauf G-ið“ í fyrsta sinn.

„Að splitta G-inu“ er vinsæl írsk drykkjuhefð þar sem þú tekur einn stóran fyrsta sopa af nýjum Guinness-bjór þannig að dökki bjórinn sem eftir er sé nákvæmlega í miðju „G-sins“ í merkinu á glasinu. Mikill fjöldi hefur tekið þátt í leiknum á samfélagsmiðlum og deilt af sér myndböndum við það að gera það. Leikurinn snýst um ákveðna færni sem miðar að því að skipta bjórnum og froðunni.

Í myndbandi sem deilt var á reikningnum Laufeyland á Instagram má sjá myndband tekið á tónleikum hennar í Dublin þar sem hún bregst við skilti þar sem á stendur „Bla, bla, bla, farðu nú loks að kljúfa G-ið“.

Laufey segist aldrei hafa gert það áður og tekur svo við drykk og hefur leikinn. Sjón er sögu ríkari. Hægt er að horfa á myndbandið að neðan.

@laufeyland
partaking in the local culture 🍻☘️
♬ original sound - laufeyland

Tónlist Írland Áfengi

Tengdar fréttir

Opna Laufeyjarverslun fyrir tónleikana

Á þriðjudaginn mun Sena opna sérstaka Laufeyjarverslun í Smáralindinni í tilefni af stórtónleikum Laufeyjar í Kórnum 14. og 15. mars. Þar verður boðið upp á lifandi tónlist, gjafaleiki og Laufeyjarvarning vikuna fyrir tónleikana.

6. mars 2026 14:33

„Þú ert stærsta súperstjarnan á plánetunni jörð“

Hollywood-leikarinn Jeff Goldblum var óvæntur gestur á tónleikum Laufeyjar Línar í Manchester í gærkvöldi. Laufey söng djazzklassíkina „Misty“ meðan Goldblum spilaði undir og að því loknu lýsti Goldblum henni sem stærstu súperstjörnu jarðarinnar.

6. mars 2026 10:43

Þessi eru tilnefnd til Íslensku tónlistarverðlaunanna 2026

Söngkonan og tónskáldið Laufey Lín er ein þeirra sem prýða lista yfir þá sem hlutu tilnefningar til Íslensku tónlistarverðlaunanna. Alls er tilnefnt í níu mismunandi flokkum en meðal þeirra eru flokkarnir plata ársins, upptökustjórn ársins og texti ársins.

6. mars 2026 09:37