Viðskipti innlent

Allt á upp­leið á Grundar­tanga

Árni Sæberg skrifar
Álver Norðuráls á Grundartanga.
Álver Norðuráls á Grundartanga. Vísir/Vilhelm

Eigandi Norðuráls á Grundartanga gerir ráð fyrir því að álverið munu ná fullum afköstum í lok júlí næstkomandi. Afköst álversins hafa aðeins verið þriðjungur af því sem þau eru vanalega eftir að bilun varð í annarri af tveimur kerlínum þess í október síðastliðnum. Talið var að viðgerð gæti tekið allt að ár.

Bilunin sem varð í tveimur spennum í álverinu á Grundartanga í október stöðvaði framleiðslu í annarri af tveimur kerlínum þess. Afköst álversins eru því aðeins þriðjungur af því sem hún var fyrir bilunina.

Samkvæmt áætlunum í nóvember var gert ráð fyrir að framleiðsla í kerlínunni gæti hafist eftir ellefu til tólf mánuði á meðan beðið væri eftir því að nýir spennar væru framleiddir, fluttir til landsins og settir upp. Í tilkynningu frá Norðuráli þá sagði að til skoðunar væri að ráðast í bráðabirgðaviðgerð á biluðu spennunum og þannig ná fullum afköstum fyrr.

Í afkomutilkynningu Century aluminum, móðurfélagi Norðuráls, sem gefin var út í gærkvöldi, segir að nú sé gert ráð fyrir að viðgerðir taki styttri tíma en búist var við. Kerlínan verði sett í gang fyrir lok apríl og álverið muni ná fullum afköstum fyrir lok júlí.

Sólveig Kr. Bergmann, framkvæmdastjóri samskipta og samfélagsmála hjá Norðuráli, kvaðst ekki geta tjáð sig um málið að svo stöddu.

Bilun hjá Norðuráli Áliðnaður Hvalfjarðarsveit Stóriðja

Tengdar fréttir

Eig­andi Norðuráls fer í hart við Orku­veituna en segist fá allt tjónið bætt

Eigandi Norðuráls upplýsti bandaríska fjárfesta og markaðsaðila um það fyrr í þessum mánuði að tryggingar félagsins myndu bæta því upp allt tjón vegna bilunar í álveri þessi á Grundatanga, bæði þegar kemur að eignum og neikvæðum áhrifum á reksturinn, en á sama tíma ætlar fyrirtækið ekki að greiða fyrir alla umsamda orku frá Orkuveitunni. Langsamlega stærsti eigandi Century Aluminum seldi nýverið verulegan hluta bréfa sinna í félaginu.

Treystir á að Norðurál borgi

Forstjóri Orkuveitunnar segir hegðun Norðuráls mikil vonbrigði en fyrirtækið hefur sagst ekki ætla að greiða fyrir orku sem það nýtti ekki eftir bilanir á Grundartanga. Bæði hann og borgarstjóri ætlast þó til þess að Norðurál greiði á endanum. 



Mest lesið


Fleiri fréttir

Sjá meira


×

Mest lesið