Spilaði degi eftir að hafa lent í bíl­slysi: „Er á lífi og lán­samur“

Hummer bifreið Balls og KIA bifreið skullu saman á gatnamótum í Charlotte á miðvikudaginn. Ekki liggur fyrir hvort Ball var sjálfur við stýrið.  

Enginn varð fyrir alvarlegum meiðslum í slysinu á miðvikudaginn og Ball yfirgaf slysstað skömmu seinna.

Hann var svo mættur út á parketið í gær þegar Charlotte tók á móti Houston Rockets.

Ball lék í 31 mínútu, skoraði ellefu stig, tók sjö fráköst og gaf sjö stoðsendingar í fjögurra stiga tapi Charlotte, 101-105.

„Ég er á lífi og lánsamur. Guð er frábær,“ sagði Ball eftir leikinn í gær.

Heimamenn áttu fá svör við Kevin Durant sem skoraði 35 stig fyrir gestina frá Texas í gær.

Charlotte er í 10. sæti Austurdeildarinnar með 26 sigra og þrjátíu töp.

Ball, sem er á sínu fimmta tímabili í NBA, er með 19,3 stig, 4,8 fráköst og 7,4 stoðsendingar að meðaltali í leik í vetur.