Þurfti að flauta af æfingar áður en hann slasaði menn

Í þættinum síðasta föstudagskvöld var sýnt frá svona slagsmálakörfuboltaleik í Lettlandi. Þeir Benni og Teitur áttu ekki í vandræðum með að finna leikmenn sem þeir myndu treysta í slíkan slag og má sjá niðurstöðu þeirra í spilaranum hér að neðan.

„Þeir myndu elska að spila þennan leik,“ sagði Benni um sérstaklega tvo af þeim leikmönnum sem hann valdi í sitt slagsmálalið. Annar þeirra átti það til að ganga svo langt á æfingum, gegn eigin liðsfélögum, að flauta þurfti þær af.

Benni hugsaði út fyrir kassann og var með einn handboltamann og einn fótboltamann í sínu liði – leikmenn sem hann þekkir hins vegar mjög vel.

Teitur hélt sig við körfuboltamenn en var með ákveðið „leynivopn“ sem svo sannarlega ætti að geta rutt mönnum frá sér, eins og sjá má hér að ofan.

Bónus Körfuboltakvöld er á Sýn Sport Ísland á föstudagskvöldum. Þættina má finna með því að smella hér.