Söngvari 3 Doors Down látinn

Í frétt Variety um andlát Arnold er haft eftir fulltrúa hans að hann hafi látist í svefni. Eiginkona hans hafi verið með honum við andlát hans og nánasta fjölskylda.

Arnold tók þátt í að stofna hljómsveitina árið 1996 í Escatawpa, Mississippi. Hann samdi og framleiddi smellinn „Kryptonite“ frá árinu 2000 sem er eitt af frægustu lögum sveitarinnar. Arnold var aðeins fimmtán ára þegar hann samdi textann við lagið.

Arnold greindi frá því í maí í fyrra að hann hefði verið greindur með krabbamein í nýrum á fjórða stigi.

„Hæ öll, þetta er Brad úr 3 Doors Down. Ég vona að þið eigið frábæran dag,“ sagði hann í myndbandinu. „Ég hef ekki svo góðar fréttir að færa ykkur í dag. Ég var veikur fyrir nokkrum vikum og fór á spítala í skoðun og fékk þá greiningu að ég væri með nýrnakrabbamein sem hefði dreift sér í lungun. Það er á fjórða stigi og það er ekki gott.“

Hann aflýsti tónleikaröð hljómsveitarinnar í kjölfarið.