Innlent

Gagna­grunnur heimilis­fanga ICE-liða hýstur á Ís­landi

Rafn Ágúst Ragnarsson skrifar
ICE-liðar hafa mætt mikilli mótstöðu víðs vegar um Bandaríkin vegna ofbeldisfullra aðferða þeirra og eðlis starfs þeirra, að brjóta skipulega á réttindum innflytjenda sem taldir eru óæskilegir.
ICE-liðar hafa mætt mikilli mótstöðu víðs vegar um Bandaríkin vegna ofbeldisfullra aðferða þeirra og eðlis starfs þeirra, að brjóta skipulega á réttindum innflytjenda sem taldir eru óæskilegir. AP

Gagnagrunnur heimilisfanga og annarra persónuupplýsinga fjölda ICE-liða er hýstur á íslenskum netþjóni. Upplýsingunum hefur verið safnað og er haldið úti á síðunni sem lýst er af aðstandenda sem „átaki í ábyrgð“.

Vefsíðan svipar í útliti til alfræðiritsins Wikipediu og er ætlað að vera aðgengilegur gagnabanki persónuupplýsinga fulltrúa heimavarnaráðuneytis Bandaríkjanna. Síðan er samkvæmt umfjöllun New York Post haldið úti af Íranum Dominick Skinner. Morgunblaðið greindi fyrst frá.

Í viðtölum hefur hann sagst eiga heima í Hollandi sem stemmir við skráningarland lénsins á ISNIC.

Skinner mun hafa fengið leynileg gögn afhent frá starfsmanni ráðuneytisins sem fela í sér persónuupplýsingar um 4500 fulltrúa ICE. Skinner segir um helming þeirra þegar hafa sérsíðu á ICE-listanum eins og hann kallar síðuna. Þar er einnig að finna skýrslur sem sjálfboðaliðar sem varða óhóflega valdbeitingu og fleira.

Á ICE-listanum má einnig finna lista yfir 1142 bílnúmer bíla í eigu ICE og leiðarvísi um hvernig megi þekkja dulbúna ICE-liða að störfum.

ICE-sveitirnar hafa vakið mikla athygli og reiði um allan heim undanfarnar vikur og mánuði, sér í lagi eftir að tveir mótmælendur voru myrtir í Minneapolis.

Bandaríkin Donald Trump Netöryggi Innflytjendarassíur ICE í Bandaríkjunum

Tengdar fréttir

Hinn fimm ára Liam laus úr haldi og kominn heim

Hinum fimm ára Liam Conejo Ramos og föður hans hefur verið sleppt úr haldi. Þeir feðgar voru teknir fastir af ICE-liðum í Minneapolis og látnir dvelja í sérstökum „fjölskyldufangageymslum“ í Texas.

Róa á nýnasistamið í leit að ICE-liðum

Innflytjenda- og tollaeftirlit Bandaríkjanna, eða ICE, hefur verið mikið á milli tannanna á fólki undanfarna daga. Það er sérstaklega vegna ástandsins í Minnesota, þar sem þúsundir útsendara ICE og annarra stofnana heimavarnaráðuneytis Bandaríkjanna hafa vakið mikla athygli að undanförnu og skotið tvo íbúa til bana.

Skotinn til bana: Myndefnið þvert á orð ráðherrans

Alex Jeffrey Pretti, 37 ára gamall hjúkrunarfræðingur og bandarískur ríkisborgari, var skotinn til bana af fulltrúum Innflytjenda- og tolleftirlits Bandaríkjanna, ICE, í Minneapolis í gær. Heimvarnarráðherra Bandaríkjanna hélt því fram að Pretti hefði ráðist á fulltrúana, þvert á það sem má sjá á myndefni af vettvangi.

Mest lesið


Fleiri fréttir

Sjá meira


×

Mest lesið