Hlýnandi veður í dag og „mein­laus austanlægð“ í kortunum

Svo er heldur hægari vindur á morgun, að því er fram kemur í spá Veðurstofunnar.

„Ef rýnt er í veðurkort lengra fram í tímann, virðumst við eiga að vera áfram í meinlausri austlægri átt fram eftir næstu viku,“ skrifar veðurfræðingur Veðurstofunnar í hugleiðingum sínum.

Spáin fyrir mánudag og þriðjudag hljómar svo á þann veg að búast megi við suðaustan- og austanátt, 5-13 m/s, hvassast við suðurströndina. Dálítillar vætu megi vænta um landið suðaustanvert, en yfirleitt verði léttskýjað vestan- og norðanlands. Hiti verði áfram 1 til 6 stig, en kringum frostmark yfir norðan.