Leita að öðrum til að taka við Ísafjarðarfluginu

Um er að ræða sérleyfissamning fyrir flugleiðina Reykjavík - Ísafjörður - Reykjavík. Samningstíminn eru fjögur ár, frá 1. september 2026 til og með 31. ágúst 2030, með möguleika á framlengingu. Útboðið er auglýst á Evrópska efnahagssvæðinu.

Í mars 2025 greindi Bogi Nils Bogason, forstjóri Icelandair, frá því að Icelandair hyggst hætta að fljúga til Ísafjarðarbæjar eftir sumarið 2026. Ástæaðn er sérstaða flugvallarins sem leiðir til þess að einungis litlar vélar geta lent þar.

„Við höfum verið að nota þessar Bombardier Dash 200-vélar í flug til Grænlands og Ísafjarðar. Þessar flugvélar hafa hentað mjög vel í Grænlandsflugi en nú sjáum við fyrir endann á framkvæmdum þar. Þá verða lengri flugbrautir tilbúnar í notkun á næsta ári og þá geta stærri vélar flogið inn með lægri sætiskostnaði og þá eru þessar vélar ekki lengur samkeppnishæfar,“ sagði Bogi í mars 2025.

Útboðinu lýkur í lok febrúar.