Taka enn tuttugu þúsund króna beygju

Fréttastofu bárust í gærkvöldi myndir sem sýna ökumenn taka beygjuna til vinstri úr Bríetartúni inn í Borgartúnið þrátt fyrir skilti þess efnis að vinstri beygja sé bönnuð.

Í tilkynningu frá lögreglunni á höfuðborgarsvæðinu á mánudag kom fram að þrátt fyrir áberandi merkingar þá væru ökumenn gripnir við umferðarlagabrot og sektaðir fyrir vikið.

„Við minnum því ökumenn á að virða þessi umferðarmerki sem önnur, bæði öryggisins vegna en líka til að forðast óþarfa útgjöld, en sektin fyrir þetta brot er 20 þúsund kr.,“ sagði í tilkynningu lögreglu.