Stöðva af­greiðslu allra hælisumsókna

Á miðvikudagskvöld voru tveir þjóðvarðliðar skotnir skammt frá Hvíta húsinu í miðbæ Washington D.C. Sarah Beckstrom, tuttugu ára, lést af sárum sínum en Andrew Wolfe, 24 ára, liggur enn þungt haldinn. 

Rahmanullah Lakanwal, 29 ára Afgani búsettur í Bandaríkjunum, er grunaður um árásina en hann liggur einnig á sjúkrahúsi eftir að hafa orðið fyrir skoti. Hann hefur verið ákærður fyrir manndráp og vopnaða líkamsárás með morðásetningi.

Í kjölfar árásarinnar fór Donald Trump Bandaríkjaforseti mikinn á samfélagsmiðlum og sagðist ætla að stöðva allan aðflutning fólks frá „þriðja heims ríkjum“. 

Á fimmtudagsmorgun var öll afgreiðsla hælisumsókna frá Afganistan stöðvuð. BBC greindi frá í morgun að afgreiðslur allra hælisumsókna hefðu verið stöðvaðar.

Haft er eftir Joseph Edlow, forstjóra útlendingastofnunar Bandaríkjanna, að afgreiðsla umsókna verði stöðvuð þar til ítarleg bakgrunnsskoðun hafi farið meðal allra hælisleitanda. Í færslu á Edlow segir hann að öryggi bandarískra þegna þurfi að vera fremst í forgangsröðuninni.