Mynda­syrpa: Ís­lendingarnir máluðu bæinn bláan

Sem fyrr var mætt í göngugötuna góðu þar sem Íslendingarnir hafa hreiðrað um sig síðustu daga. Óhætt er að segja að okkar fólk hafi tekið yfir stemninguna þar.

Þarna mátti sjá fjölskyldumeðlimi landsliðsmannanna, gamlar kempur og almenna körfuboltaáhugamenn. Allir að skemmta sér konunglega og bros á allra vörum í blíðunni í Póllandi.

Leikurinn gegn Belgum hefst í hádeginu og verður í beinni textalýsingu á Vísi.

Hér að neðan má sjá myndir af stemningunni sem Hulda Margrét Óladóttir, ljósmyndari Vísis, tók.