Á að reka um­boðs­manninn á stundinni

Shearer gagnrýndi hegðun Isak síðast í Match of the Day á breska ríkisútvarpinu, BBC, um helgina en eftir vendingar gærkvöldsins tvíefldist hann í vanþóknun sinni á hegðun Svíans.

Isak birti yfirlýsingu á Instagram-síðu sinni í gær þar sem hann sagði Newcastle hafa brotið loforð gegn sér og að hann sæi ekki fram á framtíð hjá félaginu.

Shearer segir Isak hafa „hellt olíu á eldinn“ með yfirlýsingum sínum og að ummælin „hjálpi ekki neinum“. Staðan sé nú „algjörlega vonlaus“.

Hann kennir þá um umboðsmanni Isaks, Vlado Lemic, um slæma ráðgjöf í málinu.

„Ef ég væri hann myndi ég reka umboðsmanninn á staðnum, strax. Þetta er fáránlegt. Það eru tvær hliðar á öllum málum en mín tilfinning er enn sú sama: Hann er að fara ranga leið að því að fá það sem hann vill,“

„Að detta í hug að gefa frá sér þessa yfirlýsingu í gærkvöldi er að hella olíu á eldinn - sem hann þurfti ekki að gera,“ segir Shearer.