Sumar­legt og ofurhollt kínóasalat að hætti Jönu

„Dásamlegt sumarsalat - ferskt, létt og gott. Frábært með grillmat, eitt og sér eða í útileguna - þar sem það smakkast líka vel daginn eftir,“ skrifar Jana á Instagram síðu sinni.

Á heimasíðunni jana.is deilir hún svo uppskriftinni sem er einföld og þægileg í framkvæmd:

Kínóa­sal­at með kjúk­linga­baun­um, myntu & pist­así­um

• 1 1/​2 bolli soðið kínóa
• 2 boll­ar ag­úrka, söxuð smátt
• 1 bolli kjúk­linga­baun­ir, soðnar
• 1/​3 bolli hreinn sal­atost­ur, mul­inn smátt
• 1 búnt fersk stein­selja, söxuð smátt
• 1/​2 búnt eða meira mynta, söxuð smátt
• 1/​4 rauðlauk­ur, saxaður smátt
• 1/​3 bolli saxaðar pist­así­ur
• Salt og pip­ar eft­ir smekk

Aðferð:

• Setjið allt hrá­efnið sam­an í stóra skál þegar búið er að saxa það og skera.
• Útbúið síðan dress­ing­una, annaðhvort fyr­ir eða á eft­ir.
• Sal­at­dress­ing
• 4 msk.ólífu­olía
• 1 msk. epla­e­dik eða fersk­ur sítr­ónusafi
• 1 msk. akasí­hun­ang
• 1 hvít­lauks­geiri, pressaður eða smá hvít­lauks­duft

Finnið til krukku með loki. Setjið allt hrá­efnið í krukk­una og hristið sam­an.

Hellið síðan yfir sal­atið og blandið vel sam­an í stórri skál. Berið fram og njótið með því sem hug­ur­inn girn­ist.