„Best að vera alls­ber úti í náttúrunni“

Hvað finnst þér skemmtilegast við tískuna?

Það besta við tískuna er að sama hvað hver segir þá má maður ráða sjálfur hvað manni finnst vera töff.

Hver er uppáhalds flíkin þín og af hverju?

Ég keypti skrambi fínan Shaman-galla úti í Marrakesh. Svört skikkja með gylltum tígri, mjög flott.

Eyðirðu miklum tíma í að velja föt hverju sinni?

Ég tek mjög stuttan tíma í það en hef gaman að því að reyna að velja besta mögulega outfittið fyrir daginn.

Hvernig myndirðu lýsa stílnum þínum?

Ég er tvískiptur, stundum í svona skógarhöggsmanna eða lumberjack klæðnaði og svo elska ég glansandi flottheita bling.

Hefur stíllinn þinn breyst mikið í gegnum tíðina og hvernig þá?

Ég hef auðvitað alltaf reynt að vera töff frá því ég var í svörtu útvíðum buxunum með hvítu röndunum sem voru vinsælar þegar ég var í tíunda bekk. 

Breytingin er kannski að nú á ég efni á vönduðum klæðnaði.

Nýturðu þess að klæða þig upp?

Ég elska alla daga að reyna að klæða mig upp í bestu mögulegu múnderingu sem er í boði.

Hvað skiptir þig mestu máli í klæðaburði?

Að það sé swag og hugrekki í fötunum.

Ertu með einhver boð og bönn þegar það kemur að klæðaburði?

Bannað að vera boring.

Hver er eftirminnilegasta flík sem þú hefur klæðst og af hverju?

Ég keypti Kanínuhúfu í Eistlandi sem hjálpaði mér mikið að sigrast á óttanum við álit annarra. Síðan þá hef ég keypt alls konar flíkur sem hafa skarað fram úr.

Hvað finnst þér heitast fyrir sumarið?

Best að vera allsber úti í náttúrunni.

Býrðu yfir einhverju góðu ráði þegar það kemur að tísku?

Veldu hugrekki yfir öryggi.

Hér má fylgjast með Helga Jean á samfélagsmiðlinum Instagram.