Þriggja leitað vegna stunguárásar í mið­bænum

Árni Friðleifsson aðalvarðstjóri segir að þolandinn hafi verið stunginn í aftanvert lærið með eggvopni en væri ekki í lífshættu. 

mbl.is greindi fyrst frá. Sérsveitin aðstoðaði við aðgerðirnar.  

Var hinn særði fluttur á bráðamóttöku. Einn sjúkrabíll var sendur á vettvang, segir varðstjóri slökkviliðs í samtali við fréttastofu.

Árni vill ekki gefa upp aldur þolandans en hann segir að lögreglan hafi enn ekki fundið gerendurna.

„Það er ekki búið að ná þeim en við erum með ágætis lýsingu,“ segir Árni og bætir við að lögreglan skoði nú myndefni úr öryggismyndavélum.