„Gaman að skora og ég held að allir viti hvað Víkingur er fyrir mér“

„Þetta var alvöru ‘grind’ og Afturelding spilaði bara mjög vel. Við höldum áfram að vinna heima og þetta var mjög góður sigur og þrír punktar“ sagði Nikolaj Hansen eftir sigurinn.

Gríðarlega sterkur sigur í dag en Víkingar þurftu þó að hafa svolítið fyrir honum.

„Við vissum hvernig þetta var eftir fyrri leikinn úti í Mosó. Þá voru þeir að spila ótrúlega vel og líka í dag, þetta er gott lið. Fótboltinn er góður, þeir halda vel í boltann og kunna líka að fara langt. Afturelding eru góðir fyrir deildina“

Nikolaj Hansen skoraði bæði mörk Víkinga í kvöld og tryggði þeim þrjú mikilvæg stig„“.

„Ég elska að skora og það er gott fyrir liðið að fá mig í gang núna. Maður er búin að skora í tveimur leikjum í röð og núna þarf bara að halda áfram. Það koma margir leikir núna og við erum með stóran hóp og við verðum bara að halda áfram“

„Gaman að skora og ég held að allir viti hvað Víkingur er fyrir mér. Ég er búin að vera hérna í átta ár og ætla að halda bara áfram og vinna deildina í ár“

Þriðji sigurleikur Víkinga í röð staðreynd og má segja að Víkingar séu að komast í gang aftur.

„Jájá en ég held að við spiluðum ekkert það vel. Áður spiluðum við vel og vorum að vinna en við eigum alveg 10% meira. Þurfum að byrja að halda boltanum, hlaupa meira og bara halda áfram að ‘grinda’. Þetta var góður sigur í dag“