Messi með sigur­markið úr aukaspyrnu fyrir Miami

Það tók ekki langan tíma fyrir Porto að komast yfir í leiknum þar sem Noah Allen leikmaður Miami tók niður Joao Mario í teignum og portúgalska liðið fékk víti.

Samu Omorodion steig á punktinn og skoraði úr vítinu. Oscar Ustari markvörður Miami var með hendi á boltanum en náði ekki að halda honum frá því að fara yfir línuna.

Það dró svo næst til tíðinda snemma í seinni hálfleik þar sem Telasco Segoiva jafnaði metin fyrir Inter Miami á 47. mínútu.

Á 53. mínútu vann Lionel Messi aukaspyrnu rétt fyrir utan teig, sem hann ákvað svo að taka sjálfur. Spyrnan var virkilega góð hjá þessum goðsagnakennda fótboltamanni og boltinn söng í netinu.

Miami því komnir í 2-1 forystu, en þeir myndu halda það út. Fyrsti sigur þeirra á mótinu og með því jafna þeir Palmeiras með fjögur stig á toppi riðilsins. Porto er með eitt stig eftir tvo leiki.