Mættu heim til lög­reglu­manns og ógnuðu honum með hníf

Rúv hefur eftir heimildum sínum að fjórir menn hafi verið handteknir af lögreglu og sérsveit í aðfaranótt mánudags þar sem þeir hafi verið grunaðir um að hafa mætt vopnaðir á heimili lögreglumanns og hótað honum.

„Við erum með mál til rannsóknar er varðar atvik sem beindust að lögreglumanni,“ segir Ólafur Þór Haukssón héraðssaksóknari í samtali við fréttastofu en hann kvaðst ekki geta tjáð sig frekar um málið. 

Ríkismiðillin segir að mennirnir hafi verið handteknir á tveimur stöðum vegna málsins. Þeir hafi haft í hótunum við lögreglumanninn um nokkurt skeið en um mætt á heimili hans og ógnað honum með hníf. Þó sé ekki er vitað til þess að mennirnir hafi beitt vopnum.

Lögreglustjórinn á höfuðborgarsvæðinu kvaðst ekkert getað tjáð sig um málið og vísaði á héraðssaksóknara þegar blaðamaður hafði samband.